MAR

Heil og sæl! 

Skólinn hefur átt allan minn hug síðustu tvær vikur, ég hef því ekki gefið mér mikinn tíma til að skoða fallega hluti. Ég skellti mér á MAR restaurant í hádeginu og fékk dýrindismáltíð þar, ég mæli með að fara þangað ef þið hafið ekki prófað. Staðurinn er rosalega töff og skemmtilegur og ég rakst einmitt á þetta veggskraut þar. Ég er enn að reyna að átta mig á hvers vegna spottarnir ná til þessa ákveðinna landa og enn síður skil ég hvað stendur þarna fyrir ofan. Það verður áfram ráðgáta fyrir mér, en mikið er þetta töff ;-)

Essential Eames

 Gleðilegt nýtt ár kæru lesendur :-) 

Ég vil byrja nýja bloggárið með nokkrum myndum sem ég tók í sumar. Ég var þá stödd í Singapore á sýningu í glæsilegu safni sem kallast Artscience museum. Ég fór á sýninguna Essential Eames sem verður í gangi út febrúar ef einhver á svo ólíklega leið þar hjá :-) 

Sýningin snéri að Eames hjónunum, bæði að lífi þeirra og starfi. Mér fannst ótrúlega gaman að færa mig í gegnum sögu þeirra hjóna og fá að kynnast hönnun þeirra örlítið betur. Betri helmingnum fannst þó ekki alveg jafn skemmtilegt og mér, enda karlmaður, en hann lét sig hafa það - mér til mikillar gleði! :)

 

 

Myndir: Tanja Dögg // Djörfung

Crushed Bowl

Ég var svo ótrúlega heppin að fá hina fallegu Crushed Bowl sem er frá Muuto í afmælisgjöf nú nýlega. Ég er hrikalega skotin í henni og hún sómir sér mjög vel á hillunni í stofunni, algjört bjútí!

Mynd: Tanja Dögg // Djörfung

Skúffukaka

Mynd: Tanja Dögg // Djörfung

Ég gerði þessa girnilegu köku með bestu vinkonu minni þegar ég heimsótti hana til Danmerkur. Kakan heppnaðist rosalega vel og var dásamlega bragðgóð og við nutum hennar með köldu glasi af mjólk. Þetta er hin dæmigerða skúffukaka sem allir hafa smakkað:

Kakan: 5 dl hveiti - 2 dl sykur - 2 dl púðursykur - 1 dl kakó - 3 tsk vanillusykur - 1 tsk matarsódi - 1 tsk lyftiduft - 170 gr brætt smjörlíki - 2 egg -2 1/2 dl mjólk - 1/2 dl heitt vatn.

Byrjað er á að bræða smjörið. Öll hráefnin, nema vökvinn, eru sett í skál og hrærð saman. Því næst er heita vatninu, smjörinu og mjólkinni bætt rólega út í deigið og eggjunum bætt við. Deiginu er því næst hellt í smurt bökunarform (ca. 25 x 35 cm) og bakað við 200 °C í rúmlega 20-30 mínútur (mismunandi eftir ofnum).

Kremið: 100 g mjúkt smjörlíki - 1 egg - 1 tsk vanilludropar - 1 msk kaffi (ekki nauðsynlegt) - 3 msk kakó - flórsykur eftir þörfum.

Öllu blandað saman í skál og flórsykri bætt við eftir þörfum. Það tók smá tíma hjá okkur að finna rétt magn af flórsykri, þannig gott er að byrja á að setja lítið og bæta svo við ef þið viljið hafa kremið sætara. Svo skemmir auðvitað ekki fyrir að hafa kókosmjöl ofan á kökunni.

Kakan er svo að sjálfsögðu borin fram með ískaldri mjólk, namm! Njótið :)

30 days challenge

Hvað hefur þú alltaf viljað gera en aldrei framkvæmt? Ég get talið upp ansi marga hluti hjá mér! 

Ég hlustaði nýlega á fyrirlestur hjá Matt Cutts á TED.com sem veitti mér ótrúlegan innblástur og snýst um að gera eitthvað nýtt í 30 daga. Er eitthvað sem þig hefur alltaf langað að gera og aldrei framkvæmt? Af hverju ekki að prófa það í 30 daga. Samkvæmt Matt er hugmyndin mjög einföld - maður hugsar um eitthvað sem manni langar að bæta við líf sitt eða eitthvað sem maður vill taka út. Þetta gæti t.d. verið 30 mín hreyfing á hverjum degi, taka eina ljósmynd á dag eða blogga einu sinni á dag, horfa ekki á sjónvarp eftir kl. 19 eða sleppa því að drekka kaffi. Möguleikarnir eru ótrúlega margir en þar sem maður á það til að fresta hlutunum og vantar eldmóð til að framkvæma þá, þá verður oft lítið úr þeim. Ef þú gerir eitthvað nýtt í 30 daga líður tíminn ekki bara hjá, hlutirnir verða eftirminnilegri því þú ert meðvitaður um það sem þú ert að gera.

Ef manni langar að gera eitthvað nógu mikið þá er allt hægt. Það þarf bara að taka ákvörðun og standa með henni. Betra er að einblína á lítil smáatriði í byrjun þar sem líklegra er að þau verði að vana frekar en að ætla að sigra heiminn á einum degi.

  Hvað hefur þig alltaf langað að gera? 

DIY: Candles

Mynd: Tanja Dögg // Djörfung

Ég gleymdi alltaf að sýna ykkur kertin sem ég skreytti með ýmsum myndum í desember - þegar kertaæðið gekk yfir. Hér er brot af þeim kertum sem ég gerði. Ég gaf þau öll í gjafir og á ekki neitt eftir handa sjálfri mér. Ég held að það sé tími til kominn að búa til kerti sem getur yljað mér í kuldanum :-)

***

I always forgot to show you these candles that I decorated in December. Hope you enjoy them :-)

DIY: Colorful triangle garland

Auðvelt föndur fyrir þá sem vilja lífga upp á heimilið á einfaldan hátt. Þetta er einnig sniðugt fyrir afmælisveislur eða önnur skemmtileg tilefni - mér finnst gera alveg rosalega mikið að bæta smá litum í umhverfið. Ég föndraði þetta í sumar þegar mamma átti afmæli og var ótrúlega ánægð með útkomuna. 

Það sem þú þarft er: Litaður kartonpappír (fæst m.a. IKEA, Eymundsson o.fl.), blýantur, skæri og snæri. 

Skref 1: Teiknaðu tígul á blað og klipptu út - fyrsti tígullinn verður notaður sem mót.

Skref 2: Notaðu mótið til að teikna nokkra tígla í mismunandi litum. 

Skref 3: Klipptu út alla tíglanna.

Skref 4: Límdu tíglana á snæri líkt og sést á efri myndinni. Þeir eru brotnir saman í miðjunni, þannig þú færð þríhyrning í staðinn fyrir tígul.

***

A simple garland for birthday parties or other fun occasions. I made this for my mother's birthday last summer and I loved the outcome.

What you need is: Colored paper, a pencil, scissors and a string.

Step 1: Draw a rhombus on a paper.

Step 2: Use the first rhombus to draw more rhombuses in different colors.

Step 3: Cut out the rhombuses.

Step 4: Glue the rhombuses on a string.

Skúffukaka með marengskremi

Ég er lengi búin að ætla að prófa marengskrem á köku. Ég smakkaði það síðast þegar ég var barn og rakst nýlega á uppskrift að því. Kakan er langbest nýbökuð með kreminu - ég held reyndar að hún sé ekki lengi að klárast þar sem kremið hreinlega bráðnar í munninum ;-) Ég hvet ykkur til að prófa, þið verðið ekki svikin! (Varúð: Aðeins fyrir mikla sælkera).

Kakan: 5 dl hveiti - 2 dl sykur - 2 dl púðursykur - 1 dl kakó - 3 tsk vanillusykur - 1 tsk matarsódi - 1 tsk lyftiduft - 170 gr brætt smjörlíki - 2 egg -2 1/2 dl mjólk - 1/2 dl heitt vatn.

Byrjað er á að bræða smjörið. Öll hráefnin, nema vökvinn eru sett í skál og hrærð saman. Því næst er heita vatninu og mjólkinni bætt rólega út í deigið. Deiginu er því næst hellt í smurt bökunarform (ca. 25 x 35 cm) og bakað við 200 °C í rúmlega 20-30 mínútur (mismunandi eftir ofnum).

Kremið: 3,5 dl sykur - 1 1/2 tsk agave sýróp (eða annað sýróp) - 2 tsk kalt vatn - 5 stórar eggjahvítur.

Öll hráefnin eru sett í skál og blandað saman með sleif. Næst er vatn sett í pott (u.þ.b. 7-10 dl) sem þarf að vera nógu stór til að rúma skálina. Þegar vatnið er byrjað að hitna er skálin sett í pottinn og hrært er í blöndunni. Mikilvægt er að blandan sjóði ekki. Hrært er í blöndunni þar til allur sykurinn er uppleystur og er þá skálin fjarlægð úr pottinum. Því næst er kremið hrært með hrærivél í u.þ.b. 12 - 15 mínútur. Svo er hægt að lita kremið með matarlit ef áhugi er fyrir því.

DIY: Striped gift tag

Krúttlegir merkimiðar sem ég föndraði fyrir nokkru. Ég ákvað að prófa nokkra liti og fannst þeir allir koma rosalega vel út. Það sem þú þarft er: Merkimiðar (m.a. Tiger), mattur pappír og glanspappír (m.a. Tiger).

***

Cute gift tags that are easy to make. I tried five colors and loved all of them. What you need is: Gift tags and paper.

Mynd: Tanja Dögg // Djörfung

Perfection

Þessi vel völdu orð eiga ansi vel við núna! Tölvan er aftur biluð og því hef ég ekki náð að blogga nóg í september. Ég ætla hér með að einblína á "progress" en ekki fullkomnun.. ;-)

DIY: Tape + tea light

Fyrir nokkrum dögum keypti ég mér köflótt límband í Söstrene Grenes. Mér fannst eitthvað svo krúttlegt við það, en var ekki viss í hvað ég gæti notað það. Í dag datt mér í hug að lífga upp á venjuleg sprittkerti með því að setja límband utan um. Niðurstaðan sést hér fyrir neðan :)

*** 

A few days ago I bought checked tape in a store called Söstrene Grenes. I thought the tape was adorable, but I didn't have much use for it. So today I decided to use it on tea lights by wrapping the tape around them. The results are below, I hope you enjoy it :)

Sjónvarpskaka

Fyrir þá sem hafa ekki smakkað þessa þá mæli ég með henni! Þetta er ein af mínum uppáhalds kökum og hún er alls ekki flókin.

Kakan: 2 egg - 1,5 dl sykur - 1,5 dl hveiti - 1 tsk lyftiduft - 1/4 tsk salt - 1 tsk vanilludropar - 1 dl heit mjólk - 1 msk brætt smjörlíki.

Byrjað er á að þeyta sykur og egg vel saman. Því næst er þurrefninu hrært varlega saman við (mæli með að sigta þurrefnin ofan í skálina). Að lokum er smjörlíkið brætt og mjólkin hituð (ég set þetta saman í pott) og blandað rólega saman við blönduna. Bökunartíminn er u.þ.b. 10 mínútur við 180°C.

Kókosmjölblanda: 2 msk mjólk - 3 msk smjörlíki (ég nota stundum smjörva) - 4 msk kókosmjöl - 5 msk púðursykur.

Á meðan kakan er í ofninum er kókosmjölblandan búin til. Öllu er blandað saman í potti og suðan látin koma upp. Þegar kakan er búin að bakast í 10 mín er hún tekin úr ofninum og kókosmjölblöndunni er hellt yfir. Kakan er svo sett aftur í ofninn í u.þ.b. 5 mínútur.

Lokadagar útsölunnar!

Eru ekki allir búnir að kíkja á útsölurnar? Ég er yfirleitt ekki hrifin af útsölum og kaupi yfirleitt ekki mikið á þeim.. en útsölurnar í sumar hafa alveg náð til mín. Ég keypti vörurnar hér að ofan í Topshop og hef aldrei áður séð jafn mikið sem mig langar í! Því hvet ég alla til að kíkja á útsölurnar áður en þeim lýkur á sunnudag - og þá sééérstaklega í Topshop ;-)

***

Usually I don't like sales, but this time I've been wanting everything! I bought the clothes above in Topshop - which is my favorite store. The sales end on Sunday, so everyone has gotta hurry up ;-)

DIY: Máluð eldhúsáhöld

Ég skrapp í dag í IKEA og rakst á ódýr eldhúsáhöld úr tré (fást hér). Mér datt í hug að mála sköftin, eins og ég hef séð svo oft á netinu og útkoman var ljómandi fín. Þetta tók aðeins um 20-30 mínútur. Það sem þú þarft er: pensill, teip, málning, og eldhúsáhöld.

***

I went to IKEA today and came across these cheap kitchen implements. I wanted to paint them - I've seen so many times on the internet. The result was really cool. It took about 20-30 minutes. What you need is: painting brush, tape, paint and kitchen implements.

Skref 1: Byrjað er á að afmarka svæðið sem á að mála // First you define the area you want to paint

Skref 2: Því næst eru sköftin máluð // Next you apply the paint

Skref 3: Að lokum er teipið fjarlægt og málningin látin þorna // Carefully remove the tape while the paint is drying

Lokaútkoman // Final result. Hope you like it :)

LungA - Fashion show

Eins og margir vita er LungA (Listahátíð ungs fólks á Austurlandi) nú á Seyðisfirði þar sem ég er stödd. Ég fór í gær á fatahönnunarsýningu LungA sem var öðruvísi þetta árið. Það var ekki þetta hefðbundna "catwalk" heldur var módelunum stillt upp. Fyrsta uppstillingin minnti helst á frumskóg. Sú næsta innihélt dansandi stelpur og sú þriðja var róleg með bleikum tónum. Virkilega skemmtileg og áhugaverð sýning

***

LungA is a yearly art festival that takes part in Seyðisfjörður in the middle of July. Last night I went to LungA's fashion show which was quite different this year. There was no "catwalk" - only still models. Really interesting and enjoyable show.

Frumskógarþema // Jungle theme

Dansandi módel // Models dancing

Bleikir tónar // Pink shades

Stálhilla

Þegar ég keypti þessa stálhillu í IKEA leist kærastanum ekkert á það. Mér fannst hún hins vegar bjóða upp á svo marga möguleika, hvort sem hún yrði inni í eldhúsi, inni á baði, í stofunni eða á ganginum.. þar sem hún endaði :) Hún var líka hræódýr sem gerði þetta ennþá skemmtilegra. Hér er niðurstaðan.

***

When I bought this shelf in IKEA my boyfriend thought I was crazy. I, on the other hand, saw the potential in it - it could be placed the kitchen, the bathroom, the living room or in the hall.. where it ended :) It was really cheap which made the process more fun! Here is the result, hope you enjoy it.

Fyrir // Before

Eftir // After:)

Pastel litaðar skálar úr Søstrene Grenes // Bowls from  Søstrene Grenes

Bækur geta verið fallegt skraut // Books are great as decoration.
Vinstra megin er kertastjaki sem ég föndraði úr glandsmyndum // At the lefst side is a candlestick that I made

Myndarammi með útprentuðum texta

Hirslur úr Tiger, flottir litir // Storages from Tiger, really nice colors

Hrökkkex

Ég og mamma ákváðum að prófa að búa til hrökkkex í dag. Niðurstaðan var vonum framar þar sem kexið hreinlega bráðnaði í munninum. Þetta var ótrúlega fljótlegt og einfalt og krafðist ekki mikillar fyrirhafnar. Undirbúningurinn tók um 10 mínútur og bökunartíminn var u.þ.b. 15 mínútur.

Innihald: 

1 dl hörfræ - 1 dl sólblómafræ - 1 dl sesamfræ - 1 dl graskersfræ - 1 dl haframjöl

4 dl spelt - 3 tsk Maldon salt - 2 dl vatn - 1 1/4 dl olía

Byrjað er á að blanda þurrefnunum saman í skál. Því næst er olíu og vatni bætt við og öllu hrært saman með sleif.

Deiginu er skipt jafnt í þrjá hluta. Deigið er svo flatt út með því leggja bökunarpappír yfir og undir deigið. Mikilvægt er að fletja deigið mjög þunnt. Efri bökunarpappírinn er fjarlægður og deigið skorið niður bita (mismunandi hvaða stærð fólk vill, gott að prófa sig áfram). Við ákváðum að setja rifinn ost ofan á deigið, bæði venjulegan og parmesan. Að lokum er deigið sett á bökunarplötu og bakað við 200°C í u.þ.b. 13-15 mínútur.

Nú má byrja að smakka! Verði ykkur að góðu :)

Sumardrykkur

Í gær bjó ég til gómsætan sumardrykk í sólinni. Það er algjört möst að hafa svalandi drykk við hendina þegar veðrið leikur svona við mann :) Ég notaði uppskrift sem Tinna vinkona mín kenndi mér. Ég breytti henni þó aðeins og niðurstaðan var mjög góð. Það sem þú þarft er Super Berries djús frá Berry Company, sódavatn og lime.

Glasið er fyllt með u.þ.b. helming af sódavatni og helming af djús. Það er matsatriði hversu mikinn djús fólk vill hafa, þannig endilega prófa sig áfram. Að lokum er lime kreist úti og klökum bætt við. Næst er bara að smakka :)